Ymgynghoriaeth Addysg Cydberthynas a Rhywioldeb

Fel arbenigwr Addysg Cydberthynas a Rhywioldeb ACaRh Cymru , mae gan Judith brofiad helaeth o ddarparu cyngor ac arweiniad arbenigol ar gyfer:

• Lleoliadau cyn-ysgol
  
• Uwch dimau rheoli ysgolion cynradd, uwchradd ac arbennig
  
• Athrawon dosbarth a staff cymorth
  
• Athrawon arweiniol ACaRh
  
• Awdurdodau lleol
  
• Consortia addysg
  
• Gweithwyr iechyd proffesiynol ac asiantaethau cysylltiedig.

Mae arbenigedd Judith wedi galluogi ysgolion i sefydlu ACaRh ysgol gyfan sydd yn seiliedig ar gydraddoldeb cynhwysol, holistig, hawliau ac ecwiti rhywedd.

Mae Judith wedi cynhyrchu ddogfennau a chanllawiau amrywiol i gynorthwyo ysgolion wrth iddynt gynllunio, datblygu a chynhyrchu rhaglen addysgu ACaRh ysgol gyfan wedi ei arwain gan ddisgyblion.

Mae canllawiau a dogfennau cynllunio ar gyfer ysgolion yn cynnwys:

• Ffeithlun defnyddiol 'Y Daith Tuag at Statws Gorfodol' sy'n disgrifio prosesau cynllunio ysgol gyfan.
  
• Polisi 'ACaRh ' enghreifftiol ar gyfer ysgolion cynradd, uwchradd ac arbennig.
  
• Offeryn archwilio ACaRh ar gyfer ysgolion i gael dealltwriaeth glir o'r ddarpariaeth bresennol ac adnabod y meysydd sydd angen datblygiadau i’r dyfodol.
  
• Gweithgareddau ymgynghori â dysgwyr cynradd ac uwchradd i roi cyfleoedd i ddysgwyr leisio eu barn ar raglen addysgu a dysgu ACaRh ysgolion.
  
• Cynlluniau gwaith ysgol gyfan cynradd ac uwchradd. Mae'r themâu o fewn y cynlluniau gwaith wedi'u mapio yn erbyn y disgrifiadau dysgu o fewn yr Meysydd Dysgu a Phrofiad, Cwricwlwm Cymru 2020. Seilir y deilliannau dysgu o fewn y cynlluniau gwaith ar Ganllawiau Technegol Rhyngwladol UNESCO 2018 ar Addysg Rhyw.
  
• Cyflwyniad PowerPoint ar gyfer rhannu gwybodaeth â'r corff llywodraethu.
  
• Cyflwyniad PowerPoint ar gyfer rhannu gwybodaeth â rhieni/gofalwyr.
  
• Taflen rhannu gwybodaeth i rieni/gofalwyr.

Cynlluniau gwersi manwl ar:

• Cyffwrdd priodol ac amhriodol
  
• Teuluoedd amrywiol a gwerthfawrogi gwahaniaethau
  
• Perthnasoedd iach a rhai nad yw’n iach
  
• Hylendid personol
  
• Prif organau'r corff gan gynnwys yr organau atgenhedlu
  
• Sut i gadw'n iach yn ystod glasoed - atal ysmygu, atal alcohol, hybu hunan-barch
  
• Glasoed
  
• Mislif
  
• Diffinio ac archwilio agweddau a rhagfarn LGBTQ +
  
• Cyfeiriadedd rhywiol a hunaniaeth o ran rhywedd
  
• Perthnasoedd iach yn seiliedig ar barch at y naill a’r llall a chydraddoldeb
  
• Arfer niweidio diwyllianol (Anffurfio//Torri Organau Cenhedlu Menywod (FGM/C)
  
• Cydsyniad rhywiol
  
• Arddangos y defnydd o gondomau
  
• Atal cenhedlu
  
• Heintiau a drosglwyddir yn rhywiol

Adnoddau addysgol unigryw
Fel arbenigwr yn ACaRh mae gan Judith brofiad eang o ymchwilio a chreu adnoddau pwrpasol ar gyfer sectorau cynradd, uwchradd ac ysgolion arbennig.

Ymgynghoriad am ddim
Cynigir ymgynghoriad am ddim i drafod eich gofynion, mae croeso i chi gysylltu â Judith drwy e-bost.

Efallai y byddwch am gomisiynu rhaglen hyfforddi bwrpasol wedi'i theilwra i weddu i'ch anghenion dysgu. Gall yr opsiwn hwn ganiatáu hyblygrwydd a chaiff ei ystyried yn ffordd gost-effeithiol o wneud y gorau o’r dysgu. Mae croeso i chi gysylltu â Judith i drafod eich gofynion drwy e-bost.